უხვი ნალექის გამო ნინოწმინდის სოფლებში ნათესები დაიტბორა [ფოტო/ვიდეო]

სოფელი პატარა გონდურა, ფოტო: არმენ ოვსეპიანი

ნათესები დაზიანდა პატარა გონდურაში, დილიფსა და დიდ ხანჩალში.

"33 მეასედზე დათესილი კართოფილი სრულად განადგურდა, 1 000 ლარი მაინც ვიზარალე. ერთ კილოგრამ თესლში 1.50 ლარი მაქვს გადახდილი, პენსიონერი კაცი ვარ თავი რით ვირჩინო, ვგეგმავ მერიას მივმართო, რომ დამეხმაროს", – ამბობს სოფელ დიდ ხანჩალში მცხოვრები სამველ ვართანიანი.

ნინოწმინდის მუნიციპალიტეტის მერის, ანივარდ მოსოიანის განცხადებით, წყლის ძლიერმა ნაკადმა კარტოფილის ნათესები ფესვიანად მოგლიჯა. მისი თქმით, ამ ეტაპზე უცნობია რამდენი ჰექტარია დაზიანებული.

"მარცვლეულის და კარტოფილის ნათესებია დაზიანებული, მთის ფერდობიდან ჩამოსულმა წყალმა დატბორა", – განაცხადა "სამხრეთის კარიბჭესთან" ნინოწმინდის მერმა.

მისი თქმით, ადგილობრივებს ზარალი იმ შემთხვევაში აუნაზღაურდებათ, თუ მოსავალი დაზღვეული აქვთ: "მუნიციპალიტეტს ბიუჯეტში არ აქვს იმდენი თანხა, რომ ფერმერებს დაეხმაროს, მაგრამ კომისია მაინც შეისწავლის, ამის შემდეგ გადაწყდება რით შევძლებთ დახმარებას".


სოფელი პატარა გონდურა, ფოტო: არმენ ოვსეპიანი


სოფელი დიდი ხანჩალი


სოფელი პატარა გონდურა, ვიდეო: არმენ ოვსეპიანი

[sknews.ge]