‘დავალებას გვაძლევენ, ვიყოთ ტყის მცველები’ - მიტროპოლიტი ნიკოლოზი

ამის შესახებ მიტროპოლიტმა განცხადება იქამდე გააკეთა, სანამ პარლამენტი საკანონმდებლო ცვლილებას დაამტკიცებდა. იგი თვლის, რომ ტყე ეროვნული საკუთრებაა და „უმცირესობა ვერ დაიცავს, უმრავლესობის ქონებას“.

„საქართველოში 95% მოსახლეობის თავის თავს თვლის მართმადიდებელ ქრისტიანად და უმცირესობა როგორ დაიცავს უმრავლესობის ქონებას. ეს არის სახელმწიფო - ეროვნული ქონება. თუ მართლა ესე მოხდა, გადმოგვეცა ეს ტყე ფაქტობრივად დავალებას გვაძლევენ, რომ ტყის მცველები ვიყოთ“ - აღნიშნა სასულიერო პირმა.

მისივე თქმით, ტყის ამ ფართობებს გაჩეხვის და გაყიდვის საშიშროება არ ემუქრება: „ტყის გადმოცემა ნიშნავს, იმას რომ ფაქტობრივად, ეკლესიას უნდა დაევალოს ტყეზე ზრუნვა. პირობას გაძლევთ ნამდვილად, რომ ეკლესია, არც სასულიერო პირი, არავინ მეგულება მე ისეთი ბარბაროსი ვინმე, რომ ტყე მიიღოს, გაჩეხოს, გაყიდოს და აღარ იყოს მერე ტყე“.

[რობი ზარიძე]