ახალციხეში საკონტროლო გამშვები პუნქტები გაუქმდა

სამცხე–ჯავახეთის სამხარეო ადმინისტრაციის რწმუნებულის, ბესიკ ამირანაშვილის თქმით, პირველი აპრილიდან 12 მაისამდე, ახალციხეში მოქმედ ორ საკონტროლო გამშვებ პუნქტში თერმოსკრინინგი 56 ათასმა ადამიანმა გაიარა.

„თავიდან ძალიან ეფექტური იყო, მაგრამ იმის გათვალისწინებით რომ ეპიდსიტუაცია ქვეყანაში გაუმჯობესდა, ჩვენს რეგიონშიც არცერთი შემთხვევა არ გვაქვს ინფიცირების, ვფიქრობთ რომ სწორია ეს გადაწყვეტილება“, - აცხადებს ბესიკ ამირანაშვილი.

საქართველოს სხვადასხვა ქალაქებში, მათ შორის ახალციხეში, შესასვლელსა და გასასვლელში ე.წ ბლოკპოსტები პირველ აპრილს გახსნეს, კორონავირუსის პრევენციის მიზნით ქალაქში შემსვლელ და გამსვლელ ავტომობილებს დეზინფექცია უტარდებოდათ. ადგილზე სავალდებულო იყო თერმოსკრინინგიც.

[Sknews.ge]