'მადლობა გაწეული შრომისთვის' – ბესიკ ამირანაშვილი მასწავლებლებს ®

კორონავირუსის გავრცელების პრევენციის მიზნით, საკოორდინაციო საბჭოს გადაწყვეტილებით, საქართველოში დისტანციური სწავლება განხორციელდა.

განათლების, მეცნიერების, კულტურისა და სპორტის სამინისტრომ დროულად მიიღო ზომები, რათა სასწავლო წლის სემესტრი არ ჩავარდნილიყო და როგორც ქართულენოვან, ასევე ეთნიკური უმცირესობების მოსწავლეებს დისტანციურად მიეღოთ განათლება.

გამოწვევას ღირსეულად უპასუხა სამცხე-ჯავახეთის რეგიონის სასწავლო დაწესებულებებმა.

ბესიკ ამირანაშვილი გაეცნო ონლაინ სასწავლო პროცესს მორგებულ პროგრამებს, რომლებიც ყოველდღიურ რეჟიმში, ვიდეო გაკვეთილების, მათი ჩანაწერების და დავალებების მომზადებას ითვალისწინებს.

აღსანიშნავია, რომ რეგიონის მასშტაბით, ასევე წარმატებით ხორციელდება განათლების სამინისტროსა და პირველი არხის ერთობლივი პროექტი ,,ტელესკოლა“, რომლის საშუალებითაც მოსწავლეებს ტელეგაკვეთილები უტარდებათ.