პროექტის მიზანია სამცხე-ჯავახეთის თემების დაბალნახშირბადიან ენერგორესურსებზე ხელმისაწვდომობის გაზრდა და მისგან სარგებლის მიღებაზე ხელშეწყობა, მდგრადი ტექნოლოგიების დანერგვისა და ცნობიერების ამაღლების გზით. რაც ამავდროულად ხელს შეუწყობს კლიმატის ცვლილების შერბილებას, ალტერნატიული, დაბალემისიური ტექნოლოგიების გავრცელებასა და მოსახლეობის სოციალური და ეკოლოგიური გარემოს გაუმჯობესებას.
პროექტის სამიზნე სოფელს წარმოადგენს სოფელი ზაზალო (უდეს თემი). პროექტი ითვალისწინებს სოფელში არსებულ ფერმაში 20 კუბ.მ. ტევადობის თანამედროვე ტიპის ბიოგაზის დანადგარის დაყენებას 20 წლიანი გარანტიით.
ბიოგაზის დანადგარი ენერგიის და სასუქის თანამედროვე წყაროა. ის აუმჯობესებს ჰიგიენურ პირობებს და დიასახლისის შრომის პირობებს, იცავს ბუნებას, ამცირებს ენერგრტიკულ და საბიუჯეტო ხარჯებს, მაღლა სწევს სოფლად ცხოვრების დონეს.
ამ დროისთვის, ფერმაში ყველა ენერგეტიკული რესურსის დაყმაყოფილება ხდება შეშის ხარჯზე, რის შედეგადაც შეშის ყოველწიური ხარჯი აღემატება 60 კუბ.მ.-ს. პროექტის ფარგლებში დაგეგმილი ბიოგაზის მოწყობილობის დაყენება კი საშუალებას მისცემს მათ ფერმაში დაგროვილი საქონლის ნაკელის გადამუშავების შემდეგ განათების გარდა, ენერგიაზე მოთხოვნილება - საწარმოო და საცხოვრებელი ფართის გათბობა, წყლის გაცხელება, რძის გადამუშავებისათვის საჭირო თბური ენერგია მთლიანად დაკმაყოფილდეს ბიოგაზის ენერგიით, რაც შედეგადაც ყოველწლიურად მოჭრას გადაურჩება 60 კუბ.მ.-ზე მეტი შეშა;
გარდა ამისა, დაგეგმილია მომსახურე პერსონალისათვის განკუთვნილ 3 ოთახში, გათბობის სისტემის დაყენება, რითაც შემოდგომა-ზამთრის პერიოდში ჩანაცვლდება დაახლოებით 15 კუბ.მ საწვავი შეშა. ყოველივე ამის შედეგად; საერთო ჯამში კი, ყოველწლიურად გაჩეხვას გადაურჩება რამდენიმე ჰექტრი ტყე. საწვავი მერქანის ბიოგაზით ჩანაცვლების გამო ატმოსფეროში CO2-ზე გადათვლით, ყოველწლიურად აღარ გაიფრქვევა 15-16 ათასი ტ. სათბური აირები, ხოლო დანადგარის ექსპლოატაციის 20 წლიან პერიოდში, CO2-ზე გადათვლით, აღარ გაიფრქვევა 300-320 ათასი ტ. სათბური აირები.
ბიოგაზის დანადგარში გადამუშავების შედეგად მიღებული თხევადი ბიომასა ყოველწლიურად გაანოყიერებს 10-12 ჰა სასოფლო-სამეურნეო სავარგულს ბუნებრივი, ეკოლოგიურად უსაფრთხო, სასუქით, რის შედეგადაც, ბიოგაზის ექსპლოატაციის 20-წლიან პერიოდში, ჩანაცვლდება 250 ტონაზე მეტი აზოტოვანი და სხვა ქიმიური სასუქი, ამ პერიოდში დაბინძურებას გადაურჩება 200-250 ჰა ნიადაგი. ხელი შეეწყობა ნიადაგის დაცვასა და გარემოს კონსერვაციას.
ბიოსასუქს რიგი უპირატესობები აქვს: ძვირი მინერალური სასუქის შენაცვლებით თითქმის იგივე მოსავალი მიიღება, გარემოს არ აბინძურებს, სარეველების თესლს არ შეიცვავს და უსუნოა. ბიოსასუქის გამოყენებით ნიადაგის სტრუქტურა უმჯობესდება, მასში ორგანული ნივთიერებების წილი იზრდება, მეტი ტენი გროვდება და მცენარეები გვალვას უკეთ იტანენ.
პროექტი ხორციელდება გლობალური გარემოსდაცვითი ფონდის (GEF SGP) მცირე გრანტების პროგრამის ფინანსური მხარდაჭერით, პროექტს საქართველოში ახორციელებს გაეროს განვითარების პროგრამა.
საქართველოს მწვანეთა მოძრაობა/დედამიწის მეგობრები-საქართველო