კორონავირუსით მსოფლიოში სამ მილიონზე მეტი დაინფიცირდა

მსოფლიოში, კორონავირუსი უკვე დაამარცხა 882 909 ადამიანმა. 200 ათას ადამიანზე მეტი კი, გარდაიცვალა. მათ შორის, ყველაზე მეტი აშშ–დან, აქ 987 160 ინფიცირებულიდან 55 413 გარდაიცვალა, 118 781 –მა კი, გამოჯანმრთელება შეძლო.

ყოველდღიურად მცირდება ახალი შემთხვევებისა და გარდაცვალების მაჩვენებელი ეპანეთსა და იტალიაში. 21 მარტის შემდეგ, ესპანეთში გასულ 24 საათში ყველაზე ცოტა – 288 გარდაცვალების შემთხვევა დაფიქსირდა, ახალი შემთხვევების რაოდენობა კი მარტის ბოლოსთან შედარებით მნიშვნელოვნად შემცირებულია.

ესპანეთში, ამ დროისთვის, კოვიდინფექციის 226 629 დადასტურებული, 23 190 გარდაცვალების და 117 727 გამოჯანმრთელების შემთხვევაა.

200 ათასს მიუახლოვდა შემთხვევების რიცხვი იტალიაში, სადაც 14 მარტის შემდეგ, გუშინ 26 აპრილს ყველაზე ცოტა – 260 გარდაცვალების შემთხვევა დაფიქსირდა. ქვეყანაში 197 675 ინფიცირებულიდან 26 644 გარდაცვლილად, 64 928 კი გამოჯანმრთელებულად ითვლება.

სხვა ქვეყნების სტატისტიკა, სადაც ვირუსის ყველაზე ფართო გავრცელებაა, ასეთია:

საფრანგეთი – 162 100 შემთხვევა; მათ შორის გამოჯანმრთელებული – 44 903; გარდაცვლილი – 22 856;

გერმანია – 157 770 შემთხვევა; მათ შორის გამოჯანმრთელებული – 112 000; გარდაცვლილი – 5 976;

დიდი ბრიტანეთი – 152 840 შემთხვევა; მათ შორის გამოჯანმრთელებული [არ არის მონაცემები]; გარდაცვლილი – 20 732;

თურქეთი – 110 130 შემთხვევა; მათ შორის გამოჯანმრთელებული – 29 140 ; გარდაცვლილი – 2 805;

მასალა მომზადებულია ვებ-გვერდის worldometers.info სტატისტიკურ მაჩვენებელზე დაყრდნობით.

[რობი ზარიძე]