სამინისტრო: სახმელეთო და საზღვაო გზებით საქართველოში 6747 მოქალაქე დაბრუნდა

ფოტო:Georgian Airways
20 აპრილის მონაცემებით, 6747 მოქალაქე საქართველოში სახმელეთო და საზღვაო გზებით დაბრუნდა.

უცხოეთში მყოფი საქართველოს მოქალაქეების დახმარების შესახებ, საქართველოს საგარეო საქმეთა სამინისტროს ვებ-გვერდზე მონაცემები ახლდება.

„როგორც ცნობილია, მოქალაქეების სამშობლოში ეტაპობრივი დაბრუნების ეფექტიანი ორგანიზების და მათი ადგილზე დახმარების მიზნით, მოქალაქემ უნდა შეავსოს ელექტრონული ფორმით სპეციალური განაცხადი, რომელიც გამოქვეყნებულია სამინისტროს ვებ-გვერდსა და საქართველოს დიპლომატიური წარმომადგენლობების ვებ-გვერდებზე. აღნიშნულ განაცხადში მოცემული მონაცემების დამუშავების შემდგომ მიღებული იქნება შესაბამისი გადაწყვეტილება“, - ნათქვამია სამინისტროს განცხადებაში.

საზღვარგარეთ საქართველოს დიპლომატიური მისიები, საქართველოს საკოორდინაციო საბჭოს მითითებით და საგარეო საქმეთა სამინისტროს ცენტრალურ აპარატთან კოორდინაციით, საზღვარგარეთ მყოფი საქართველოს მოქალაქეების დახმარებას განაგრძობენ.

[sknews.ge]