Covid 19 - ინფიცირებულთა რაოდენობა საქართველოში 348–მდე გაიზარდა

დღეს ქვეყანაში კორონავირუსი 42 ადამიანს დაუდგინდა, რაც სხვა დღეებთან შედარებით ყველაზე მაღალი მაჩვენებელია.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა. ინფექცია 50 წლამდე კაცს დაუდასტურდა, რომელიც საქართველოში ირანიდან, აზერბაიჯანის გავლით შემოვიდა. იგი დაინფიცირებიდან 20 დღეში განიკურნაგამოჯანმრთელდა.

ქვეყანაში 21 მარტიდან მოქმედებს საგანგებო მდგომარეობა, 31 მარტიდან კი კარანტინის რეჟიმი და კომენდანტის საათი. დღეს, 16 აპრილს მთავრობამ მიიღო გადაწყვეტილება სრულად აიკრძალოს მსუბუქი ავტომობილებით გადაადგილება 21 აპრილამდე. ხვალიდან სავალდებულო ხდება დახურულ სივრცეში პირბადეების ტარებაც.

მოქალაქეს, რომელიც დაარღვევს საგანგებო მდგომარეობის რეჟიმს დაარღვევს 3 000 ლარიანი ჯარიმა დაეკისრება, ხოლო იურიდიულ პირს 15 000 ლარი.

ასევე მოქმედებს ცხელი ხაზი – 144, სადაც მოქალაქეებს საგანგებო მდგომარეობასთან დაკავშირებით დასმულ კითხვებზე უპასუხებენ.

ამავე თემაზე:

▶ყველაფერი საყოველთაო კარანტინის რეჟიმზე

▶COVID 19 - სიმპტომები და გავრცელება - რა უნდა ვიცოდეთ ახალ კორონავირუსზე

▶რა უნდა გაითვალისწინოთ თვითიზოლაციაში ყოფნის დროს – რეკომენდაციები

▶რით განსხვავდება ერთმანეთისგან COVID-19 და გრიპი?

▶სახლიდან გასვლისა და შესვლის პროტოკოლი - COVID 19

▶როგორ დავიბანოთ ხელები სწორად? COVID 19



[რობი ზარიძე]