'დაპატიმრების დრომ და გარემოებამ გამოიწვია შეშფოთება' – ამრიკის საელჩო ოქრუაშვილის პატიმრობაზე

"ეს საქმე ჩრდილს აყენებს სამართალწარმოების მიუკერძოებლობას — საკითხს, რომლის ირგვლივ არსებული შეშფოთების გაქარწყლებას ემსახურებოდა 8 მარტის ერთობლივი განცხადება. ჩვენ მოვუწოდებთ ყველა ხელმომწერ მხარეს, სრულად დაიცვან 8 მარტის შეთანხმება", –ნათქვამია საქართველოში აშშ-ს საელჩოს მიერ 14 აპრილს გავრცელებულ განცხადებაში.

თბილისის საქალაქო სასამართლომ თავდაცვის ყოფილ მინისტრს, ირაკლი ოქრუაშვილს 20 ივნისის საქმეზე ხუთწლიანი პატიმრობა გუშინ 13 აპრილს მიუსაჯა.

ოქრუაშვილი სისხლის სამართლის კოდექსის 225-ე მუხლის პირველი და მეორე ნაწილების საფუძველზეა დაპატიმრებული. ეს მუხლები ჯგუფური ძალადობის ორგანიზებას, ხელმძღვანელობასა და მასში მონაწილეობას გულისხმობს.

[sknews.ge]