აზერბაიჯანში ინფიცირებულთა რაოდენობამ 584–ს მიაღწია

საავადმყოფოში 545 პაციენტი მკურნალობს. ინფორმაციას აზერბაიჯანის ჯანდაცვის უწყება ავრცელებს.

„14 ადამიანის მდგომარეობა შეფასებულია, როგორც მძიმე. 12 ადამიანის, როგორც საშუალოდ მძიმე. დანარჩენის მდგომარეობა სტაბილურია,“ - ნათქვამია პრესრელიზში.

5 აპრილიდან აზერბაიჯანმა დახურა საზღვრები სახმელეთო და საჰაერო ტრანსპორტზე, ასევე გააჩერა ადგილობრივი საჰაერო ფრენები კორონავირუსის გავრცელების წინააღმდეგ ბრძოლის მიზნით.

ჯანდაცვის ინფორმაციით ეს ზომები უნდა დაეხმაროს კორონავირუსთან შინაგანი ინფექციების შემთხვევების დადგენაში, ავადმყოფთა კონტაქტების დამყარებასა და კარანტინში მოთავსებაში. ეს ასევე ხელს შეუწყობს პაციენტების საკარანტინო პუნქტების შესაძლებლობების რეგულირებას და ქვეყანაში საავადმყოფოების მზადყოფნის გაძლიერებას.

აზერბაიჯანში პირველი შემთხვევა 28 თებერვალს დაფიქსირდა.

[რიმა სარუხანიან, ახალციხე]