სომხეთში კორონავირუსის 58 ახალი შემთხვევა დაფიქსირდა

ქვეყანაში არსებულ მდგომარეობაზე, სომხეთის ჯანდაცვის მინისტრმა, არსენ თოროსიანმა ისაუბრა.

„ამ ეტაპზე ჩვენ გვაქვს 14 მძიმე და ერთი უკიდურესად მძიმე პაციენტი“, – განაცხადა მან მთავრობის სხდომაზე.

ამრიგად, კორონავირუსის შემთხვევების რაოდენობამ სომხეთში 482–ს მიაღწია, მკურნალობას გადის 449 პაციენტი, გამოჯანმრთელებულია 30, ხოლო 3 ადამიანი დაიღუპა.

ინფიცირებულთა შორის რამდენიმე ექიმი და დაავადებათა კონტროლის ცენტრის 14 თანამშრომელია. დაინფიცირებულთა შორისაა 14 ჯარისკაციც.

სომხეთში კორონავირუსის პირველი შემთხვევა 28 თებერვალს დადასტურდა. 29 წლის მამაკაცი, მეზობელ ირანიდან მეუღლესთან ერთად დაბრუნდა.

[რიმა სარუხანიან, ახალციხე]