აზერბაიჯანში ინფიცირებულთა რაოდენობა 298 გახდა

31 მარტის 20:00 საათისთვის, სამედიცინო დაწესებულებებში სულ 267 პაციენტი მკურნალობს. ამის შესახებ ინფორმაციას აზერბაიჯანის ჯანდაცვის უწყება ავრცელებს.

”გამოვლენილია კორონავირუსული ინფექციის 24 ახალი შემთხვევა. აქედან 11 პაციენტი მძიმე მდგომარეობაშია, 15 საშუალოდ მძიმე. ამავე დროს, 11 ადამიანი გამოჯანმრთელდა,” - ნათქვამია შტაბის პრესრელიზში.

აზერბაიჯანში, საკარანტინო რეჟიმის გაძლიერების ფარგლებში, გადაადგილების შეზღუდვები მკაცრდება. 30 მარტს, ბაქოს ცენტრში არსებული მოედანი საზოგადოებისთვის მთლიანად დაიხურა. პერიმეტრს სპეციალური ღობეები აკრავს. ტერიტორიას სამართალდამცველები აკონტროლებენ.

აზერბაიჯანში პირველი შემთხვევა 28 თებერვალს დაფიქსირდა.

[რიმა სარუხანიან, ახალციხე]