სომხეთში კორონავირუსის 39 ახალი შემთხვევა დადასტურდა

კორონავირუსული ინფექციით დადასტურებული შემთხვევების რაოდენობა 14:00 საათის მონაცემებით გაიზარდა 39-ით. ინფორმაციას ჯანდაცვის სამინისტროს დაავადებათა კონტროლისა და პრევენციის ეროვნული ცენტრის ოფიციალური ვებ–გვერდი ავრცელებს.

გამოჯანმრთელდა 31 ადამიანი, ამ ეტაპზე მკურნალობას გადის 537 პაციენტი.

სომხეთში სავალდებულო თვითიზოლაცია გამოცხადდა. გადაწყვეტილება დღეს პირველ აპრილს შევიდა ძალაში და იმოქმედებს 12 აპრილის 00:00 საათამდე. ამის შესახებ გადაწყვეტილება საგანგებო მდგომაროების კომენდანტმა, სომხეთის ვიცე-პრემიერმა ტიგრან ავინიანმა მიიღო.

გადაწყვეტილების თანახმად, სომხეთის მთელ ტერიტორიაზე იზღუდება მოქალაქეთა გადაადგილების უფლება და ამოქმედდება სავალდებულო თვითიზოლაცია, რათა მოქალაქეთა კონტაქტები შეიზღუდოს და კორონავირუსის გავრცელება შეიზღუდოს.

როგორც განკარგულებაშია ნათქვამი, მოქალაქეებს აქვთ უფლება, აირჩიონ თვითიზოლაციის ადგილი, რომელიც ამ რეჟიმის ამოქმედებამდე არ შეიცვლება.

[რიმა სარუხანიან, ახალციხე]