სომხეთში კორონავირუსის 43 ახალი შემთხვევა გამოვლინდა

ინფორმაციას ჯანდაცვის სამინისტროს დაავადებათა კონტროლისა და პრევენციის ეროვნული ცენტრის ოფიციალური ვებ–გვერდი ავრცელებს.

პირველი ინფიცირებული სომხეთში 26 მარტს გარდაიცვალა. 72 წლის მამაკაცი სომხეთის მოქალაქე იყო. მძიმე მდგომარეობაშია კიდევ ერთი პაციენტია, რომელიც აშშ–ს მოაქალაქეა.

ქვეყანაში საგანგებო მდგომარეობა რამდენიმე დღის წინ გამკაცრდა. შეიზღუდა ადამიანების თავისუფალი გადაადგილება. გამონაკლის შემთხვევებში გასვლა შეიძლება, სასურსათო მაღაზიებსა და აფთიაქებში.

დაშვებულია დღეში ერთხელ გასვლა სავარჯიშოდ. კერძო მანქანებში კი მძღოლებს მხოლოდ ერთი მგზავრის ჩასმა შეუძლიათ. ყველა მოქალაქე ვალდებულია შინიდან გასვლისას თან იქონიოს პირადობის მოწმობა და შეავსოს მოძრაობის ფურცელი.

[sknews.ge]