საქართველოში COVID 19–ით ინფიცირებულთა რიცხვი 115–მდე გაიზარდა

მთავარი → სიახლე, კორონავირუსი 01.04.2020

პირველი აპრილის მონაცემებით კორონავირუსით ინფიცირების ხუთი ახალი შემთხვევა გამოვლინდა. stopcov.ge-ზე გამოქვეყნებული ინფორმაციის თანახმად, კორონავირუსის 115 დადასტურებული და 22 გამოჯანმრთელების შემთხვევაა დაფიქსირებული.

საქართველოში COVID 19–ით ინფიცირებულთა რიცხვი 115–მდე გაიზარდა

10:17 საათის მონაცემებით, კარანტინის რეჟიმში 5 106 ადამიანი იმყოფება, სტაციონარში მეთვალყურეობის ქვეშ კი 294.

დღეს ახალციხეში რეფერალურ ჰოსპიტალში, კორონავირუსზე ორი პაციენტის ანალიზის პასუხს ელოდებიან. ორივეს მაღალი ტემპერატურა აქვს, ერთ–ერთ მათგანს პნევმონიაც უფიქსირდება.

მთავრობის გადაწყვეტილებით, 31 მარტიდან, საქართველოში საყოველთაო კარანტინი და „კომენდანტის საათი“ მოქმედებს. 21:00 საათიდან 06:00 საათამდე გადაადგილება იკრძალება. შეზღუდვა ეხება, როგორც ქვეითად, ასევე ტრანსპორტით მოსიარულეებს. მოქმედებს ცხელი ხაზი. 144–ზე დარეკვის შემთხვევაში მოქალაქეებს საგანგებო მდგომარეობასთან დაკავშირებით დასმულ კითხვებზე უპასუხებენ.

საჭიროების შემთხვევაში დარეკეთ:

დაავადებათა კონტროლის ცენტრის ცხელი ხაზი 116 001

ჯანდაცვის სამინისტროს ცხელი ხაზი 15 05

ყველა ამბავი კორონავირუსზე

[sknews.ge]