სომხეთში კორონავირუსის 20 ახალი შემთხვევა დაფიქსირდა, 8 პაციენტის მდგომარეობა კრიტიკულია

ჯანდაცვის სამინისტროს მიერ, 11:00 საათზე გამოქვეყნებული მონაცემებით, ბოლო 24 საათში გამოჯანმრთელებულთა რიცხვი 25-ით გაიზარდა და ახლა 87-ს შეადგენს.

სომხეთში COVID 19–ზე 758 პაციენტი მკურნალობს. ინფექციის შედეგად დაიღუპა რვა ადამიანი.

ჯანდაცვის მინისტრის, არსენ თოროსიანის განცხადებით, ინფიცირებულებიდან 146 პნევმონია აქვს, 35 მძიმე პაციენტია, ხოლო რვა კირიტიკულ მდგომარეობაში იმყოფება.

ინფიცირებულთა შორის რამდენიმე ექიმი და დაავადებათა კონტროლის ცენტრის 14 თანამშრომელია. დაინფიცირებულთა შორისაა 14 ჯარისკაციც.

გასული დღე–ღამის განმავლობაში კორონავირუსზე ტესტირება 4 287 ადამიანს ჩაუტარდა, თუმცა პასუხი უარყოფითი იყო.

სომხეთში კორონავირუსის პირველი შემთხვევა 28 თებერვალს დადასტურდა. 29 წლის მამაკაცი, მეზობელ ირანიდან მეუღლესთან ერთად დაბრუნდა.

[რიმა სარუხანიან, ახალციხე]