ხუთი კონფესიის ერთობლივი 'მამაო ჩვენო' ინფიცირებულთა ჯანმრთელობისთვის

ერთობლივი ლოცვა თბილისში, ღვთისმშობლის ზეცად აღყვანების საკათედრო ტაძარში 25 მარტს, 12:00 საათზე შესრულდა. ერთად შეიკრიბნენ ევანგელურ-ლუთერანული, სომხური სამოციქულო, მართლმადიდებელი, ასირიულ-ქალდეური და კათოლიკე ეკლესიის სასულიერო პირები. ასევე ლოცვას შეუერთდა ვატიკანის ელჩი საქართველოში.

ინიციატივის ავტორი, რომის პაპი ფრანცისკეა, რომელმაც ქრისტიანებს ლოცვის ერთად შესრულება სთხოვა: „პაპი ფრანცისკე სთხოვს ყველა ქრისტიანს, აღმსარებლობისდა მიუხედავად, აღავლინოს მამაო ჩვენოს ლოცვა, რათა გავთავისუფლდეთ ვირუსისაგან. ვლოცულობთ სნეულთა ჯანმრთელობისათვის, ჯანდაცვის მუშაკთა, მოხალისეთა სიმტკიცისა და მამაცობისათვის, ასევე ყოველთა მფარველობისთვის“, - აცხადებენ კათოლიკე ეკლესიაში.
საერთო ლოცვას მორწმუნეები ფეისბუქ ლაივის საშუალებით შეუერთდნენ.



[თაკო ფეიქრიშვილი, ახალციხე]