ახალციხელი მსახიობი ესპანეთში კორონავირუსით გარდაიცვალა

ფოტო: ეროვნული ბიბლიოთეკა

საქართველოს მოქალაქის ესპანეთში გარდაცვალების ფაქტი პრემიერ-მინისტრმა ბრიფინგზე დაადასტურა.

სერგო მელაძე წარმოშობით აწყურიდანაა. მიუხედავად იმისა, რომ ესპანეთში ცხოვრობდა ქვეყანაში და მშობლიურ ქალაქშიც ხშირად ჩამოდიოდა.

„1996 წელს წავიდნენ აქედან, თუმცა ჩამოდიოდა ხოლმე, სადღაც ერთი წლის წინ იყო აქ. ყველანი ესპანეთში არიან“, - უთხრა „სამხრეთის კარიბჭეს“ სერგო მელაძის ძმისშვილმა, გია მელაძემ.

სერგო მელაძე 1971-1992 წლებში მესხეთის თეატრის მსახიობი იყო. „ძალიან ვწუხვართ, ის კარგი მეგობარი და კარგი მსახიობი იყო, გამორჩეული ხმაც ჰქონდა და ბევრი კარგი როლიც შეასრულა“, - ამბობს თეატრის სამხატვრო ხელმძღვანელი, ლია სულუაშვილი.

[მარიამ ბარძიმაძე, ახალციხე]