პარლამენტმა საგანგებო მდგომარეობის გამოცხადებას მხარი დაუჭირა

საქართველოს მთელს ტერიტორიაზე საგანგებო მდგომარეობა ერთი თვე, 21 აპრილამდე გაგრძელდება.

საგანგებო მდგომარეობის ამოქმედების შემდეგ, მთავრობას ეძლევა შესაძლებლობა:

იზოლაციის ან კარანტინის წესის დარღვევისთვის პირი იძულებით იქნას გადაყვანილი შესაბამის დაწესებულებაში, წესების დარღვევისთვის გამოყენებული იქნება სანქციები;

საერთშორისო სამგზავრო, საჰაერო, სახმელეთო მიმოსვლაზე წესდება შეზღუდვები, გარდა სატვირთო გადაზიდვისა;

დგინდება საჯარო მიწოდების განსხვავებული წესები და ადმინისტრაციული საქმის წარმოების განსხვავებული წესები და ვადები;

საქართველოს მთვრობას მიეცემა უფლება, აუცილებლობის შემთხვევაში საკარანტინო, საიზოლაციო, სამედიცინო მიზნებისთვის შეზღუდოს საკუთრების უფლება და გამოიყენოს ფიზიკურ ან იურიდიულ პირთა ქონება და მატერიალური საშუალებები;

იზღუდება 10-ზე მეტი ადამიანის თავშეყრა;

მთავრობას ექნება უფლება, კერძო ორგანიზაციებს, ბიზნესსტრუქტურებს შეუზღუდოს ან დაავალოს კონკრეტული საქმიანობის განხორციელება.
აუცილებლობის შემთხვევაში მთავრობა უზრუნველყოფს მედიკამენტებზე, სამედიცინო მომსახურებასა და პირველადი მოხმარების პროდუქტებზე ფასების რეგულირებას;

მთავრობა დაადგენს განათლების შესახებ საქართველოს კანონით დადგენილი წესებისგან განსხვავებულ წესებსა და პირობებს, საჭიროების შემთხვევში, მთავრობა შეძლებს მოახდინოს შესაბამისი სამედიცინო განათლებისა და უფლებამოსილების მქონე პირთა საყოველთაო მობილიზება.
საქართველოს სასამართლო სხდომები შესაძლებელია გაიმართოს დისტანციურად;

ასევე გამოქვეყნდა პრეზიდენტის დეკრეტიც, რომელიც მოიცავს იმ ღონისძიებებს, რომლებიც საგანგებო მდგომარეობის პერიოდში უნდა განხორციელდეს.

21 მარტის მონაცემებით, საქართველოში კორონავირუსით 49 პირია ინფიცირებული.

[sknews.ge]