'თუ თვლით, რომ გაქვთ საეჭვო სიმპტომები კორონავირუსზე, გამოიყენეთ ჩვენი ცხელი ხაზი' – ჯანდაცვის მინისტრი

„მინდა მნიშვნელოვანი ინფორმაცია გაგაცნოთ და ასევე მოგიწოდოთ ყველას, თუ თქვენ თვლით, რომ გაქვთ საეჭვო სიმპტომები და გაქვთ ეჭვი, რომ შეიძლება გქონდეთ კორონავირუსი, პირველ რიგში, გამოიყენოთ ჩენი ცხელი ხაზი, ვინაიდან ყველაზე მნიშვნელოვანი ამ ეტაპზე არის მოხდეს ზუსტი დიაგნოსტიკა ჩვენი ეპიდემიოლოგების მხრიდან, არის თუ არა ეს კავშირი საეჭვო და საჭიროებს თუ არა ჰოსპიტალიზაციას", – განაცხადა ჯანდაცვის მინისტრმა.

მისი თქმით, ყოველივე ამის შემდეგ, აღნიშნულ მოქალაქეებს სპეციალისტები დაუკავშირდებიან და მიიღებენ გადაწყვეტილებას თუ როგორ მოხდება მათ ტრანსპორტირება საავადმყოფოში.

„დაკავშირების შემდეგ გავარკვევთ რა მეთოდები არის საჭირო იმისათვის, რომ თქვენი ჯანმრთელობა იყოს დაცული და ასევე იყოს დაცული ჩვენი იმ პერსონალის ჯანმრთელობა, რომლებიც ყოველდღიურად, 24 საათის რეჟიმში ზრუნავენ თქვენს ჯანმრთელობაზე“.

ჯანდაცვის სამინისტროს ცხელი ხაზი: 1505

დაავადებათა კონტროლის ეროვნული ცენტრის ცხელი ხაზი: 116 001

[sknews.ge]