საქართველოში კორონავირუსის მკურნალობისთვის პრეპარატ ‘რემდესივირს’ გამოიყენებენ

ამირან გამყრელიძის განცხადებით, პრეპარატ „რემდესივირს“ (Remdesivir) ქართველი ექიმები კორონავირუსის წინააღმდეგ გამოიყენებენ. აღნიშნულ პრეპარატს
2015 წლიდან კომპანია „გილიადი“ აწარმოებს. მისი თქმით, პრეპარატი შეიქმნა ებოლას ეპიდაფეთქების დროს დასავლეთ აფრიკაში.

"ეს პრეპარატი ჩინელებმა ძალიან აქტიურად გამოიყენეს თავიანთი ავადმყოფების მკურნალობისას. გარდა ამისა,მრავალი ანტივურუსული პრეპარატის გამოყენება მიმდინარეობდა ჩინეთში და მიმდინარეობს დღესაც, იგივე შიდსის საწაინააღმდეგო პრეპარატების, ხლოროხინის, ინტერფერონის, რიბავირინის და ა.შ. ჩვენი ექიმები ამას იყენებენ. რაც შეეხება დასახელებულ პრეპარატს, ეს პრეპარატი გახლავთ სწორედ იმ კომპანიის, რომელთანაც საქართველო აქტიურად თანამშრომლობს C ჰეპატიტთან დაკავშირებით. ეს არის ერთ-ერთი უმძლავრესი საერთაშორისო ფარმაცევტული კომპანია და საქართველოს მთავრობამ მიმართა თხოვნით, რომ გარკვეული რაოდენობა ამ პრეპარატებისა იყოს გამოყოფილი და დარწმუნებული ვარ, ეს მოთხოვნა ჩვენთვის დაკმაყოფილდება და ე.წ. სარეზერვო მარაგში ეს პრეპარატი გვექნება. მას აქვს თავისი ჩვენებები, ვის უნდა დაენიშნოს, როგორ და ა.შ. ჩვენი ექიმები ამას გამოიყენებენ“, - განაცხადა გამყრელიძემ.

ცნობისთვის საქართველოში, კორონავირუსით ინფიცირების 40 შემთხვევაა დაფიქსირებული, აქედან ერთი უკვე გამოჯანმრთელებულია. კარანტინის რეჟიმში 1 592 ადამიანი იმყოფება, სტაციონარში მეთვალყურეობის ქვეშ - 262.

[sknews.ge]