'ოჯახური შემთხვევებია' - ამირან გამყრელიძე კორონავირუსით ინფიცირებულ 5 პაციენტზე

"ეს გახლავთ ე.წ. ერთი კლასტერი, ანუ ერთანეთთან დაკავშირებული შემთხვევები. ძირითადად ოჯახური შემთხვევებია. ყველა ერთად გახდნენ იტალიაში და დაბრუნდნენ კვირას საქართველოში", — განაცხადა დაავადებათა კონტროლის ცენტრის ხელმძღვანელმა ამირან გამყრელიძემ.

საქართველოში კორონავირუსის ცხრა შემთხვევაა დაფიქსირებული, აქედან ექვსი ახალი ინფიცირების შესახებ დღეს, ხუთ მარტს გახდა ცნობილი.

გამყრელიძის განცხადებით, ყველა შემთხვევა ამ ეტაპისთვის დამაკმაყოფილებელია.

„კლინიკური მიმდინარეობა გახლავთ დამაკმაყოფილებელი. მხოლოდ გუშინ დადასტურენულ მეოთხე შემთხვევა, წინა სამ შემთხვევასთან შედარებით გახლავთ უფრო საყურადღებო კლინიკურად და მიმდინარეობს მასზე კლინიკური მეთვალყურეობა და შესაბამისი მკურნალობა. დანარჩენი 5 ადამიანი დღეს საღამოს იქნენ მოთავსებული ინფექციურ საავადმყოფოში და მათზე მიმდინარეობს შესაბამისი კლინიკური მეთველყურეობა და დამატებითი კლინიკური კვლევები. ლაბორატორიულად ისინი გამოკვლეულები არიან და მათ დადასტურენული აქვთ კორონავირუსლი ინფექცია“,- განაცხადა ამირან გამყრელიძემ.

მისი თქმით, ადამიანი გამოჯანმრთელებულად ითვლება, თუ მას 24 საათში, ზედიზედ ორჯერ კორონავირუსზე უარყოფითი რეაქცია ექნება.

[sknews.ge]