ახალციხეში წყალი უკვე 17 ქუჩას აღარ ექნება

„ტექნიკური სამსახურის მიერ გრძელდება დიდიმამიშვილის ქუჩაზე სამუშაოები. გართულებული ავარიის გამო დაიკეტა v=1000 მ3 და v=800მ3 ბასეინები, რამაც გამოიწვია დამატებითი წყვეტა კიდევ ცხრა ქუჩაზე“, – გვატყობინებენ საქართველოს გაერთიანებული წყალმომარაგების კომპანიიდან.

იაძის, ანთიმოზ ივერიელის, მეგობრობის, ფარნავაზ მეფის, გამსახურდიას, პეტრე იბერის, კეცხოველის, მანველიშვილისა და ნათენაძის ქუჩების წყლის მომარაგება 18:00 საათზე შეწყდება.

კომპანიაში ამბობენ, რომ იმედი აქვთ, წყლის მიწოდებას დღესვე აღადგენენ.

ახალციხეში დიდიმამიშვილის, კოსტავას, თაყაიშვილის, მესხეთის, მებაღიშვილის, თაბუკაშვილის, გორგასლისა და წერეთლის ქუჩების 1317 აბონენტს წყალი მესამე დღეა არ მიეწოდებათ.

ქალაქში უწყლოდ სულ 2024 აბონენტი რჩება.

[მარიამ ბარძიმაძე, ახალციხე]