აბასთუმნიდან 6 მოქალაქე თვითიზოლაციაში გადაიყვანეს

ამ ეტაპზე [12:30 საათი] ცენტრის საკარანტინე ზონაში 15 მოქალაქეა, აქედან ერთი გუშინ, 11 მარტს შეიყვანეს.

„მოქალაქეები წერენ განცხადებას, რომ მე მაქვს საშუალება მოვახდინო ჩემი თვითიზოლაცია. მის მიერ მითითებულ მისამართზე მიდის ადგილობრივი საზოგადოებრივი ჯანდაცვის ცენტრის წრამომადგენელი, ამოწმებს სიტუაციას და შემდეგ გადაჰყავთ. ჩვენგან ექვსი მოქალაქე გადაიყვანეს, თბილისში და ერთ ერთ რეგიონში“, - გვითხრა აბასთუმნის ფილტვის ცენტრის კლინიკურმა მენეჯერმა კახა ბერიძემ.

12 მარტის მონაცემებით, საქართველოში კორონავირუსით 24 ადამიანია დაინფიცირებული. მათი მდგომარეობა დამაკმაყოფილებელია.

[მარიამ ბარძიმაძე, ადიგენი]