‘არ დამალოთ სიმპტომები’ - საგანგებო სიტუაციების ცენტრი კორონავირუსზე

გასული 24 საათის განმავლობაში საქართველოს საზღვარზე 1 600 ადამიანმა გაიარა შემოწმება, მათგან ორი პირი სასაზღვრო პუნქტიდან სამედიცინო დაწესებულებაში გადაიყვანეს.

„მნიშვნელოვანია, რომ ჩვენს ქვეყანაში ყველა იმ მგზავრმა, რომელიც მოდის რისკ-ზონიდან, ითანამშრომლოს ჩვენთან და დეტალურად მოგვიყვეს ყველა იმ ინფორმაციის შესახებ, რომელიც მათ გააჩნიათ, არ დამალონ სიმპტომები, რომელიც აქვთ“, – განაცხადა საგანგებო სიტუაციების კოორდინაციისა და გადაუდებელი დახმარების ცენტრის ხელმძღვანელმა ავთანდილ თალაკვაძემ.

მისივე თქმით, თუკი მოქალაქეებს გამოუვლინდებათ რესპირატორული სიმპტომები, რომლებიც არ არის დაკავშირებული კორონავირუსთან, მიმართონ ოჯახის ექიმებს, რათა მსგავსმა სიტუაციებმა, სასწრაფო სამედიცინო დახმარების გამოძახების გადატვირთვა არ გამოიწვიონ.

[თაკო ფეიქრიშვილი, ახალციხე]