ბაკურიანში, ახალგაზრდული ოლიმპიადის კომიტეტის წევრებთან შეხვედრა მიმდინარეობს

ევროპის ახალგაზრდულ ზამთრის ოლიმპიადასთან დაკავშირებით, რომელიც 2025 წელს ჩატარდება, ბაკურიანი ერთ–ერთი მასპინძლობის კანდიდატია. სწორედ ამიტომ შემფასებელი კომიტეტის წევრები გუშინ, საქართველოს ეროვნული ოლიმპიურ კომიტეტის, ასევე, ეკონომიკისა და მდგრადი განვითარების სამინისტროს წარმომადგენლებს შეხვდნენ.

როგორც, ბორჯომის მუნიცილაპლიტეტის მერიაში აცხადებენ ფესტივალის შემფასებლები ბაკურიანს გუშინ ეწვივნენ, შეხვედრა კი ამ წუთებშიც მიმდინარეობს.

„კომიტეტის წევრებს ბაკურიანის სასტუმროებმა, ბორჯომის მუნიციპალიტეტმა და ასევე მთის კურორტების განვითარების კომიტეტის წარმომადგენლებმა პრეზენტაციები წარუდგინეს“,– გვითხრეს ბორჯომის მუნიციპალიტეტის მერიის საზოგადოებასთან ურთიერთობის სასმსახურში.

პრეზენტაციების წარდგენის შემდეგ კომიტეტის წევრები ბაკურიანში უშუალოდ კურორტს და კონკრეტულ ადგილებს დაათვალიერებენ.

ევროპის ახალგაზრდული ოლიმპიადის კომიტეტის წევრები საქართველოს ხვალ დატოვებენ.

[ნუკა სტეფნაძე, ბორჯომი]