‘ტაო’ 2019-20 წლის სეზონის პირველი მატჩისთვის ემზადება

2019-20 წლის სეზონის პირველი შეხვედრა გორის სტადიონზე, 15:00 საათზე გაიმართება.

„დევები“ პირველი ლიგის სატურნირო ცხრილში მერვე ადგილზეა, ხოლო „ტაო“ კი მეხუთე ადგილს იკავებს.

„ეს თამაში მნიშვნელოვანია გუნდისთვის, რომ პოზიციები შეინარჩუნოს პირველი ლიგაში. ძველი შემადგენლობით, მოგება არ გაგვიჭირდებოდა. მაგრამ როგორც იცით, ტრამვირებული მოთამაშეების გამო „ა“ ლიგიდან შევსებული მოთამაშეებით ვაგრძელებთ ასპარეზობას. მაქსიმალურად ვემზადებით, რომ მომავალი მატჩი ჩვენი გამარჯვებით დასრულდეს“, – ამბობს სამცხე–ჯავახეთის სარაგბო კლუბ „ტაოს“ პრეზიდენტი, ირაკლი გვენეტაძე.

„ტაო“ პირველ ლიგაში 2018 წლის მაისიდან ასპარეზობს. 2018–2019 წლის სეზონი, მეოთხე ადგილით დაასრულა. ჯერ არ დასრულებული, 2019–20 წლის სეზონის სატურნირო ცხრილში კი, მეხუთე ადგილს იკავებს.

[sknews.ge]