გრიგოლ მანდარია: ბაკურიანში წყლის დებიტი გაიზარდა და რეზერვუარები ივსება

გრიგოლ მანდარიას თქმით, მიმდინარე სამუშაოების პროცესში, შეიქმნა რიგი ტექნიკური პრობლემები, რის აღმოფხვრაც პარალელურად მიმდინარეობს.

"უკვე დავიწყეთ წყლის ცენტრალური რეზერვუარის შევსება, რომლის დასრულებას რამდენიმე საათი დასჭირდება. აღნიშნული სამუშაოების შემდეგ მოხდება წყლის ქსელში გაშვება", - აცხადებს კომპანიის ხელმძღვანელმა.

ამ დღეების განმავლობაში ბაკურიანის ძირითად ნაწილს წყალი სტაბილურ რეჟიმში მიეწოდებოდა. წყლის მიწოდების პრობლემა აქვთ სასტუმროებს "რუმსს" "მგზავრებს" და "პანორამას", ასევე წაქაძისა და აღმაშენებლის ქუჩების ნაწილს.

დღესვე ბაკურიანში იმყოფებოდა რეგიონული განვითარებისა და ინფრასტრუქტურის მინისტრი: ბაკურიანში წყლის პრობლემა ჰქონდა სასტუმროების მხოლოდ 20 პროცენტს. აქედან, ნაწილს გრაფიკით მიეწოდება წყალი, ნაწილს კი 31 დეკემბრიდან მოყოლებული, მუდმივ რეჟიმში, ვამარაგებთ წყალმზიდების საშუალებით. ჩვენი კოლეგების - საგანგებო სამსახურისა და თავდაცვის სამინისტროს დახმარებით, ასევე წყლის კომპანიის რესურსებით, 700 ტონაზე მეტი წყალია უკვე მიწოდებული. აქტიური სამუშაოების შედეგად, ყველა ტექნიკური პრობლემა - მილების შეკეთება და ახალი დამატებითი წყალმიმღებების მოწყობა მოგვარებულია. ახლა მიმდინარეობს ახალი სათავეს ტესტირება და შესაბამისად, ვვარაუდობთ, რომ უახლოეს მომავალში შევძლებთ არსებული დანაკლისის შევსებას და დაბის უწყვეტ მომარაგებას,“ - განაცხადა დღეს საქართველოს ვიცე-პრემიერმა მაია ცქიტიშვილმა.

[sknews.ge]