რატომ შეფერხდა ბაკურიანში წყლის მიწოდება – კომპანიის განმარტება

კომპანიაში აცხადებენ, რომ ბაკურიანსა და გუდაურში წყლის მიწოდების შეფერხების აღმოსაფხვრელად, ტექნიკური ჯგუფი ორი დღის განმავლობაში 24 საათიან რეჟიმში მუშაობს პრობლემის დროულად მოსაგვარებლად.

„პარალელურად, კომპანია უზრუნველყოფს დაბის წყლით მომარაგებას და რეზერვუარების შევსებას წყალმზიდების საშულებით. ჩატარებული ღონისძიებების შედეგად, ამ დროისთვის ბაკურიან წყალი სტაბილურად მიეწოდება. ქსელის დაზიანების გამო, წყამომარაგების შეფერხება წარმოიშვა გუდაურში, მხოლოდ ე.წ რედკოს დასახლებაში“,– აღნიშნულია კომპანიის მიერ გავრცელებულ განცხადებაში.

მათი განმარტებით, პრობლემის მოსაგვარებლად თბილისიდან გუდაურში უკვე ჩავიდა კოპანიის ტექნიკური ჯგუფი, შესაბამისი სამსახურების წარმომადგენლებთან ერთად. დაზიანების გამოსასწორებლად და წყლის სტაბილური მიწოდების უზრუნველსაყოფად სამუშაოები აქტიურად მიმდინარეობს.

წყალმომარაგების კომპანიაში აცხადებენ, რომ დაბა გუდაურსა და ბაკურიანში წყალმომარაგებისა და საკანალიზაციო ქსელის მშენებლობა-რეაბილიტაცია დაწყებულია. პროექტის განხორციელების შედეგად, სრულად შეიცვლება ამორტიზებული და მოძველებული სისტემები, რაც საბოლოოდ აღმოფხვრის სეზონურად არსებულ პრობლემებს.

[sknews.ge]