ახალციხის ცენტრალური სადგურიდან თბილისის მიმართულებით მიკროავტობუსები არ გასულან

„ორი დღე არ ვიყავი სამსახურში, ისე კი ვიცოდი, რომ მიკროავტობუსები მიჰყავდათ, მაგრამ ასე სულ თუ არავინ იქნებოდა, არ მეგონა“,- ამბობს ახალციხის ცენტრალური ავტოსადგურის თანამშრომელი დავით ტაბატაძე.

მისივე თქმით, თბილისის არა, თუმცა სხვა ხაზის მარშრუტები სრულდება: „ვალე დგას, ბათუმი, ახალქალაქის, ნინოწმინდის და აბასთუმნის მიმართულებითაც მიდიან ავტობუსები. პატარ–პატარა რეისები სრულდება“.

კომპანია შპს „ჯეოტივი“-ის დირექტორის ნუგზარ მამუკაშვილის თქმით, "ოცნებამ" მათი კომპანიის რვა ავტობუსი იქირავა: „ხელშეკრულება დავდეთ და ოფიციალურად თანხაც გადარიცხეს“

მისივე თქმით, თბილისის მიმართულებით სამგზავრო მიკროავტობუსები მოძრაობას 14:00 საათიდან დაიწყებენ.

ცენტრალურისგან განსხვავებით, თბილისი მიმართულებით დილიდან მოძრაობენ მიკროავტობუსები მეორე ავტოსადგურიდან.

სადგურის თანამშრომელი ამბობს, რომ „ოცნების“ წარმომადგენლებს მიკროავტობუსები მიაქირავეს, თუმცა ყველა არა: "დღეს ხუთი მანქანით ვმუშაობთ. იმათ მივეცით ერთი 70 კაციანი დიდი ავტობუსი და სამი 35 კაციანი“,- გვითხრეს სადგურზე.



[მარიამ ბარძიმაძე, ახალციხე]