ხატია პარუნაშვილმა თურქეთის საავადმყოფოში ქიმიოთერაპიის კურსი დაიწყო

სოციალურ ქსელში შეიქმნა ჯგუფი – „ერთად ხატიასთვის“, სადაც არაერთი ორგანიზაცია და კერძო პირი გამოთქვამს სურვილს 21 წლის გოგონას დასახმარებლად.

კომპანია „ფრეკომ“ 500 ლარი გადარიცხა მკურნალობის ფონდში. უდის N2 და არალის საჯარო სკოლების მოსწავლეებმა დაიწყეს მაკულატურის შეგროვება, საიდანაც აღებული თანხა ხატია პარუნაშვილის ანგარიშზე გადაირიცხება. აქციაში ჩაერთო ახალქალაქის, სოფელ დილისკას საჯარო სკოლაც. ონლაინ მაღაზიამ, „სამკაულები ახალციხეში“, გამოთქვა სურვილი, გაყიდული სამკაულებისა და აქსესუარების 15% გადარიცხოს ხატია პარუნაშვილის სამკურნალოდ. აგრეთვე, ტექნიკის მაღაზია „ზუმერის“ თანამშრომლები ფულს საკუთარი სახსრებიდან გაიღებენ.

საქველმოქმედო ყუთები დაიდგა ვალეში.

ხატიას დასახმარებლად მზადდება სოციალური ვიდეოები და უკვე დაგეგმილია სხვადასხვა საქველმოქმედო ღონისძიებები, მათ შორის – კონცერტი ხვალ, 27 სექტემბერს, „ახალციხის ციხის“ ტერიტორიაზე.

21 წლის ადიგენელმა გოგონამ, რომელსაც მწვავე მიელოიდური ლეიკემია დაუდგინდა, პირველი ქიმიოთერაპიის კურსი გუშინ, 25 სექტემბერს დაიწყო. გოგონას, ქიმიოთერაპიის ოთხი კურსი უნდა ჩაუტარდეს და საერთო ჯამში 72 000 ათასი დოლარია ამისთვის საჭირო.

იმის გამო, რომ ოჯახს, ერთდროულად, ეს თანხა არ აქვს, სამედიცინო დაწესებულებასთან შეთანხმებით, ფულს ნაწილ–ნაწილ რიცხავენ.
21 წლის გოგონას დასახმარებლად გახსნილია საბანკო ანგარიში:

საქართველოს ბანკი - ანგარიშის ნომერი GE34BG0000000161580664GEL

თიბისი ბანკი - ანგარიშის ნომერი GE31TB7146945061100061

მიმღები მარიამ პარუნაშვილი,

პირადი ნომერი 03001021441

ასევე, მსურველებს შეუძლიათ საქველმოქმედო ზარის განხორციელება საქართველოდან ჯეოსელის, მაგთისა და ბილაინის ქსელში –
დარეკეთ 0 901 700 177 (ზარის ღირებულება 1 ლარი).

[ლუბა გიორგაძე, ახალციხე]