სპეცრაზმი პარლამენტის ბლოკირების მოხსნას იწყებს

ოპოზიციურმა პარტიებმა პარლამენტის ყველა შესასვლელი 17 ნოემბრის აქციის დროს ჩაკეტეს. ისინი ამბობენ, რომ მათ მოთხოვნების შესრულებამდე დეპუტატებს საკანონმდებლო ორგანოში არ შეუშვებენ.

შინაგან საქმეთა სამინისტროს წარმომადგენელმა აქციის მონაწილეებს 30 წუთიანი ვადა მისცა ტერიტორიის დასატოვებლად.

აქციის მონაწილეეები აცხადებენ, რომ ისინი დაშლას არ აპირებენ:"გვაქვს უფლება მოვითხოვოთ რასაც დაგვპირდნენ".

დღეს შსს სამინისტრომ ორჯერ გაავრცელა განცხადება და აქციის ორგანიზატორებს მოუწოდა, შეწყვიტონ პარლამენტის შენობის შესასვლელების ბლოკირება.

საპროტესტო აქცია თბილისში პროპორციული არჩევნების კანონპროექტის ჩაგდების შემდეგ დაიწყო.

[sknews.ge]