როგორ შეხვდება ბაკურიანი ზამთრის სეზონს

„ემატება ახალი სასრიალო არეალები. გარდა ტურისტების უკეთ მომსახურებისა, ახალი საბაგიროები ასევე გათვალისწინებულია 2023 წლის მსოფლიო ჩემპიონატისთვის. ასევე, იგეგმება დიდი ინფრასტრუქტურის მოწყობა, რომელშიც შედის გათოვლიანების სისტემები, წყლის რეზერვუარები ხელოვნური თოვლისთვის. ამასთან, ბაკურიანში დიდველზე 10 ახალი გონდოლა დამონტაჟდა ძველი გონდოლის საბაგიროზე და შედეგად ძველი საბაგირო დაახლოებით საათში 350-400 კაცით მეტს გაატარებს, რაც რიგებს მნიშვნელოვნად განტვირთავს,“ - განაცხადა მთის კურორტების განვითარების კომპანიის ხელმძღვანელმა.

რაც შეეხება ფასებს, კომპანიის ხელმძღვანელის თქმით, წინა სეზონთან შედარებით რაიმე ცვლილება მოსალოდნელი არაა.

საქართველო თხილამურსა და სნოუბორდში თავისუფალი სტილით სრიალში, 2023 წლის მსოფლიო ჩემპიონატის მასპინძელი ქვეყანაა.

[sknews.ge]