ბორჯომში, კედლის ჩამონგრევის შედეგად დაშავებულ კაცს მერიამ მკურნალობა დაუფინანსა

„ნაწილი საყოველთაო დაზღვევამ დაუფინანსა, ნაწილი ჩვენ, გარდა ამისა თანხა გადავურიცხეთ წამლების შესაძენადაც, ჯამში1 027 ლარი“,– გვითხრეს ბორჯომის მერიაში.

რაც შეეხება იმავე შემთვევის დროს დაშავებულ გოგოს, მერიაში გვითხრეს, რომ მათ დახმარების თხოვნით არ მიუმართავს.

ბორჯომის მოსწავლე–ახალგაზრდობის სახლში, კედლის ჩამონგრევისას, დარაჯი და ერთ–ერთი თანამშრომლის შვილი დაშავდა. 70 წლამდე კაცს ფეხი მოსტყდა, 22 წლის გოგოს კი ხერხემალი დაუზიანდა. იგი თბილისშია გადაყვანილი. შემთხვევა ორ ოქტომბერს, დღის მეორე ნახევარში მოხდა.

საქმეზე გამოძება 124 მუხლით მიმდინარეობს, რაც გულისხმობს ჯანმრთელობის ნაკლებად მძიმე ან მძიმე დაზიანებას გაუფრთხილებლობით.

[მარიამ ბარძიმაძე, ბორჯომი]