სახელმწიფო უწყებების ვებსაიტებზე ჰაკერული შეტევა განხორციელდა

ამ წუთებში [13:26] სახელმწიფო უწყებების ვებსაიტებზე საქართველოს ყოფილი პრეზიდენტ მიხეილ სააკაშვილის ფოტო ჩანს წარწერით “I’ll be back” (მე დავბრუნდები).

სასამართლოს ვებსაიტებზე, რომელზეც ამ წუთებში წვდომა შეზღუდულია, განთავსებულია საქმეების ელექტრონული წარმოების სისტემა, სადაც იტვირთება საქმის მასალები, მათ შორის მტკიცებულებები, პირადი მონაცემები და ა.შ.

იგივე შინაარსის ფოტო ჩანს ბათუმის საკრებულოს, ბათუმის მერიის, ქუთაისის მერიის, მედიასაშუალება topnews.com.ge-ს ასევე არასამთავრობო ორგანიზაცია “მედიის განვითარების ფონდის” საიტები.

პრეზიდენტის პრესსამსახურის განცხადებით, კიბერშეტევები ვებგვერდზე ხშირად ხდება და აიტი სამსახური მათ მოგვარებაზე მუშაობს. მისივე თქმით, ამ პრობლემის შესახებ ახლა არკვევენ.

[sknews.ge]