სოფელ ჭელაში მართლმადიდებლური ტაძარი აკურთხეს [ფოტო]

დღეს, ხუთ ოქტომბერს, სოფელ ჭელაში იოანე ნათლისმცემლის სახელობის ტაძარი აკურთხეს და პირველი ლიტურგია აღასრულეს. ამიერიდან ტაძარში ღვთისმსახურებას ზარზმის მონასტრის წინამძღვარი არქიმანდრიტი ნიკოლოზ (გეწაძე) აღავლენს.

ჭელაში მართლმადიდებლური ტაძარის მშენებლობას საფუძველი ხუთი წლის წინ ჩაეყარა.

მონასტრის გახსნა ადიგენის მუნიციპალიტეტის მერი ზაქარია ენდელაძე, რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე, ახალციხისა და ადიგენის მაჟორიტარი დეპუტატი გიორგი კოპაძე და სხვა ხელმძღვანელი პირები ესწრებოდნენ.

სოფელ ჭელას მოსახლეობის სარწმუნოებრივი შემადგენლობა შერეულია. აქ ადგილობრივების 60%–ს მუსლიმები შეადგენენ, 40%–ს კი მართლმადიდებლები.





ფოტო © ადიგენის მუნიციპალიტეტი

[თაკო ფეიქრიშვილი, ადიგენი]