სოფელ რუსთავში სახალხო დღესასწაულს 'შოთაობას' ზეიმობენ [ფოტო]

„შოთაობის“ აღნიშვნა სოფელ რუსთავში 12:00 საათზე დაიწყო. კულტურული და სპორტული ღონისძიებები მთელი დღის განმავლობაში გაგრძელდება.

„ჩემი, მეუღლის და შვილის ნამუშევრები მაქვს გამოტანილი, ასე ვთქვათ საოჯახო გამოფენაა. ტყავის ჩანთები, ფერადი ქაღალდებით დამზადებული ვაზები და ყვავილები, ასევე დსხადასხვა სახის სამკაულები, ვისაც მოეწონება მივყიდით", – ამბობს მაკა ბიბილაშვილი.

სოფლის შესასვლელში, სადაც დღესასწაულის აღნიშვნა მიმდინარეობს, საბავშვო კუთხეცაა მოწყობილი. 14:00 საათზე საზეიმო კონცერტი დაიწყება ადგილობრივი შემოქმედებითი ჯგუფების მონაწილეობით. მოგვიანებით კი გაზეთ „ლიტერატურული მესხეთის“ მიერ გამოცხადებული კონკურსის გამარჯვებულებს დაჯილდოებენ.

კულტურული ღონისძიებების პარალელურად, ტარდება სპორტული ღონისძიებებიც: ქართული ჭიდაობაში, ჯილდაობასა (ქვის აზიდვა) და მაკლავჭიდში.

"შოთაობის" სახალხო დღესასწაული 2008 წლიდან აღდგა და იგი სოფელ რუსთავის ტერიტორიაზე იმართებოდა. 2013 წელს, ადგილობრივი თვითმმართველობის ცვლილებასთან ერთდ, ღონისძიების ჩატარების ადგილიც შეიცვალა და მან რუსთავიდან ვარძიაში გადაინაცვლა. ექვსი წლის შემდეგ, წელს "შოთაობა" ისევ სოფელ რუსთავში გაიმართება.









[მარიამ ბარძიმაძე, ასპინძა]