სტუდენტური თვითმმართველობა ხატია პარუნაშვილს დაეხმარება

სტუდენტური თვითმმართველობის ინიციატივით, „Welcome Party“ 27 სექტემბერს ახალციხის ციხის ფასიან ნაწილში გაიმართება.

ღონისძიება 19:00 საათზე დაიწყება და ჯერ ჯგუფი „¼“ იმღერებს, 22:00 საათიდან კი საღამოს სამი DJ (რატი ჩინჩალაძე, თორნიკე კვინცხაძე, გიორგი ბექტურაშვილი) გააგრძელებს. ღონისძიებაში მონაწილეობის მსურველთათვის ბილეთები ახალციხის ციხეზე, ღონისძიების დაწყებამდე, ხუთ ლარად გაიყიდება. შემოსული თანხას კი ხატია პარუნაშვილის მკურნალობისთვის გადარიცხავენ.

“როგორც წინაზე გიგა პაპასკირი ჩამოვიყვანეთ და დავით გასიტაშვილს დავეხმარეთ, იგივე პრინციპით გვინდა გავაკეთოთ ეს ივენთი“, – გვითხრა სტუდენტური თვითმმართველობის პრეზიდენტმა მირზა ბურძენიძემ.

უნივერსიტეტის სტუდენტური თვითმმართველობის მიერ ორგანიზებული ღონისძიება – „Welcome Party“, თავდაპირველად, მხოლოდ პირველკურსელებისთვის უნდა გამართულიყო. მას შემდეგ, რაც ცნობილი გახდა ხატია პარუნაშვილის ჯანმრთელობის მდგომარეობა, თვითმმართველობამ გადაწყვიტა, ღონისძიება ფასიანი გაეხადა და მასში მონაწილეობა, პირველკურსელებთან ერთად, სხვა სტუდენტებსაც მიეღოთ.

იმისათვის, რომ ხატია პარუნაშვილი გამოჯანმრთელდეს, ქიმიოთერაპიის ოთხი კურსი სჭირდება, რაც ჯამში 72 000 დოლარი ჯდება.
ხატია პარუნაშვილი ბოლო წლებში თბილისში სწავლობდა და მუშაობდა. 21 წლის გოგონას დასახმარებლად გახსნილია საბანკო ანგარიში:

საქართველოს ბანკი - ანგარიშის ნომერი GE34BG0000000161580664GEL

თიბისი ბანკი - ანგარიშის ნომერი GE31TB7146945061100061

მიმღები მარიამ პარუნაშვილი,

პირადი ნომერი 03001021441

[თორნიკე ზაზაძე, ახალციხე]