პრეზიდენტის საქმიანობას დადებითად მოსახლეობის მხოლოდ 12% აფასებს

2019 წლის ივლისის მონაცემებით, გამოკითხულთა 40% სალომე ზურაბიშვილის საქმიანობას უარყოფითად აფასებს. NDI-ის კვლევის თანახმად, უარყოფითი შეფასება, შარშანდელთან შედარებით, მკვეთრად არის გაზრდილი. 2018 წლის მარტში ზურაბიშვილის საქმიანობას უარყოფითად გამოკითხულთა 17% აფასებდა.

შემცირებულია ზურაბიშვილის საქმიანობის დადებითად შეფასების ნიშნულიც. რესპონდენტთა 12% მიიჩნევს, რომ პრეზიდენტის საქმიანობა დადებითია. 2018 წლის მარტში პრეზიდენტის საქმიანობას დადებითად გამოკითხულთა 26% აფასებდა.

NDI-ის კვლევის საველე სამუშაოები 13-დან 29 ივლისამდე პერიოდს მოიცავს. სულ კვლევაში შედის 2 132 დასრულებული ინტერვიუ და კვლევის საშუალო ცდომილება არის 1.7%. კვლევა ჩატარებულია NDI-ის დაკვეთით, CRRC -საქართველოს მიერ.

[sknews.ge]