ნაცემ ქალს გამოკვლევები უტარდება

„დაზიანებები აქვს თავის არეში, სახეზე კი სილურჯეები. გამოკვლევებს ვუტარებთ“,– გვითხრა ახალციხის რეფერალური ჰოსპიტალის დირექტორმა ხათუნა კეკელაშვილმა.

მისი თქმით, ქალი ჯერ სამედიცინო დაწესებულებაში იქნება. როდის მოხდება მისი ჰოსპიტალიდან გაწერა, მის მდგომარეობაზეა დამოკიდებული.

ახალციხის ცენტრში შემთხვევა დღეს, 18 სექტემბერს მოხდა. ურთიერთი შელაპარაკებისას ერთმა გარემოვაჭრემ, მეორე სცემა და ადგილიდან მიიმალა. ორივე მათგანი აქ ბოსტნეულს ყიდის.

შსს–მ საქმეზე ძიება სსკ–ს 126–ე მუხლით დაიწყო, რაც ძალადობას გულისხმობს. უწყებაში ამბობენ, რომ უკვე დადგენილია იმ პირის ვინაობა ვინც 39 წლის ქალი ცემა და საგამოძიებო მოქმედებები ტარდება.

[ლუბა გიორგაძე, ახალციხე]