პირველკლასელებისთვის ჯავახეთის სკოლებს 950 კომპიუტერი გადაეცათ

განათლებისა და მეცნიერების სამინისტროსგან ნინოწმინდის სკოლებს 345, ხოლო ახალქალაქის სკოლებს 605 ლეპტოპი გადაეცათ.

ნინოწმინდაში სულ 38 სკოლაა. აქედან 30 სომხურენოვანი, ოთხი ქართულენოვანი, სამი რუსულენოვანი და ერთი სომხურ–ქართული.

„345 პირველკლასელი გვყავს და ამდენივე ლეპტოპი მივიღეთ, შესაძლოა რიცხვი გაიზარდოს. ზოგიერთი ბავშვი დარეგისტრირებას აგვიანებს და შემდეგ ისინი თავად მიწერენ სამინისტროს. ნებართვის საფუძველზე მოხდება ბავშვის ჩარიცხვა. თუმცა ვადები ამოწურულია“, – ამბობს ნინოწმინდის რესურსცენტრის ხელმძღვანელი, დავით ზედგინიძე.

საქართველოს განათლების, მეცნიერების, სპორტისა და კულტურის მინისტრის მიხეილ ბატიაშვილის განცხადებით, სექტემბრიდან პირველკლასელები უკეთესი ტექნიკური მახასიათებლების მქონე კომპიუტერებს მიიღებენ.

[მარიამ ბარძიმაძე, ნინოწმინდა]