მერია: ‘პამაჯში ხანძრის შედეგად დაზარალებულებს ფულადი სახით დავეხმარებით’

ახალციხის მერიის ინფორმაციით, მათ სოფლიდან დახმარების თხოვნით მიმართეს.

„პამაჯში ხანძრის შედეგად დაზარალებულმა სამმა ოჯახმა მიმართა მერიას დახმარების თხოვნით, დამხმარე ნაგებობებთან დაკავშირებით. მუნიციპალიტეტის მერიის შესაბამისი კომისია სწავლობს საკითხს და გაცემის წესის შესაბამისად, მთთვის დახმარების გაწევა მოხდება“, – ამბობენ ახალციხის მერიაში.

მათივე თქმით, ოჯახებს ფულადი დახმარება გაეწევათ, თუმცა თანხის კონკრეტული ოდენობა, უცნობია.

14 აგვისტოს, სოფელ დიდ პამაჯში ცეცხლი ოთხ საცხოვრებელ სახლს, ორ დამხმარე ნაგებობასა და ერთ ცხოველთა სადგომს მოედო. დამწვარი ოთხი სახლის არცერთი მეპატრონე საქართველოში არ ცხოვრობს.

პამაჯის წარმომადგენელის კარლენ კარახანიანის თქმით, სახლების მეაპტრონეები ამ დრომდე არ გამოჩენილან: „ამ სახლებს პატორნები არ ჰყავს, ზოგი გარდაიცვალა, ზოგი რუსეთშია, სამი ოჯახი ვინც მერიისგან დახმარება ითხოვა, ბოსლების მეპატრონეები იყვნენ“, – გვითხრა კარახანიანმა.

[მარიამ ბარძიმაძე, ახალციხე]