ბორჯომის მერია სტიქიისგან დაზიანებული სახლების სახურავებს შეაკეთებს

სატენდერო დოკუმენტაციის მიხედვით, გამარჯვებულმა კომპანიამ თვითმმართველობას 1 825 კვ. მეტრი აგურისფერი, პროფილირებული ფენილი (თუნუქი) უნდა მიაწოდოს.

მასალის შესაძენად, თანხა მთლიანად ადგილობრივი ბიუჯეტიდან გამოიყოფა.

ბორჯომში, შვიდი ივნისის სტიქიის შედეგად, 26 საცხოვრებელი სახლის სახურავი დაზიანდა. მათ შორის, 14 კერძო და 12 კორპუსი.
12 კორპუსის სახურავის რეაბილიტაციისთვის მერიის მიერ დათვლილი თანხა 945 094 ლარს შეადგენს. 14 კერძო საცხოვრებლისთვის კი 47 377 ლარი იყო განსაზღვრული.

მუნიციპალიტეტის ინფორმაციით, სამუშაოების გარკვეულ ნაწილს ადგილობრივი თვითმმართველობა უზრუნველყოფს, ნაწილი კი ცენტრალური ბიუჯეტიდან დაფინანსდება.

[თაკო ფეიქრიშვილი, ბორჯომი]