სტუდენტთა საშემოდგომო მობილობის ვადა იწურება

2019-2020 სასწავლო წელს, სახელმწიფო უნივერსიტეტებში მობილობის მსურველებისთვის რეგისტრაციის ვადა, 31 ივლისს დაიწყო და დღეს, 21 აგვისტოს, 18:00 საათზე დასრულდება. სტუდენტებმა რეგისტრაცია უნდა გაიარონ ვებ-გვერდზე www.students.emis.ge

მობილობის უფლება აქვს:

1. ავტორიზებულ უმაღლეს საგანმანათლებლო დაწესებულებაში:

ა. აქტიური სტატუსის მქონე სტუდენტს სწავლების ერთი წლის შემდეგ;

ბ. 2010 წლის 4 თებერვლის შემდგომ:

-შეჩერებული სტატუსის მქონე სტუდენტს სტატუსის შეჩერებიდან 5 წლის განმავლობაში;
-შეწყვეტილი სტატუსის მქონე სტუდენტს, სტატუსის შეწყვეტიდან 12 თვის განმავლობაში;

2. 2010 წლის 4 თებერვლამდე სტუდენტის სტატუსშეჩერებულად განხილულ პირს
გარიცხვიდან/ამორიცხვიდან 10 წლის განმავლობაში;
აღიარებულ რეჟიმში სწავლის შეწყვეტიდან 10 წლის განმავლობაში;

რაც შეეხება შიდა მობილობას, სამცხე-ჯავახეთის სახელმწიფო უნივერსიტეტში მობილობა 26 აგვისტოს დაიწყება და ერთი თვე, 25 სექტემბრამდე გაგრძელდება.

სტუდენტებმა შიდა მობილობისთვის განაცხადი უნივერსიტეტის ოფიციალურ ვებ-გვერდზე უნდა გააკეთონ.

[თაკო ფეიქრიშვილი, ახალციხე]