ზარზმაში აღმოჩენილი ნაგებობა შუა საუკუნეების დარანია

ძეგლთა დაცვის სააგენტოს არქეოლოგების ინფორმაციით, ზარზმაში ისტორიული ღირებულების მიწისქვეშა ნაგებობაა აღმოჩენილი: „სააგენტოდან არქეოლოგები ხუთ აგვისტოს იყვნენ ჩასულები ზარზმაში. მათი თქმით, აღმოჩენილი ნაგებობა შუა საუკუნეების დარანია“.

სააგენტომ კომპანია „არქიტექსს“, რომელიც ზარზმაში სარეაბილიტაციო სამუშაოებს ასრულებს, წერილი გაუგზავნა, რომელშიც ნათქვამია, რომ აღმოჩენილ ნაგებობას კულტურული და ისტორიული ღირებულება გააჩნია: „ზარზმაში შემდგომი სამუშაოები უნდა წარიმართოს არქეოლოგიური ზედამხედველობის ქვეშ, რათა თავიდან იქნეს აცილებული არქეოლოგიური ფენების დაზიანება“, – ნათქვამია რვა გვისტოს გაგზავნილ წერილში.
დარანის აღმოჩენის ადგილზე სარეაბილიტაციო სამუშაოები დროებით შეჩერებულია.

ტაძრის მახლობლად, ლოდებით გადახურული ნაგებობა, ზარზმის სამონასტრო კომპლექსის რესტავრაცია–რეაბილიტაციის დროს ნახეს.

[მარიამ ბარძიმაძე, ადიგენი]