სკოლას რომელსაც წყალი არ აქვს სახურავს შეუცვლიან

ნინოწმინდის მერიამ სკოლის სახურავის შესაკეთებლად ტენდერი ხუთ ივლისს გამოაცხადა, თუმცა ჩაიშალა. ანივარდ მოსოიანს ვკითხეთ, იგეგმება თუ არა წელს სკოლაში საპირფარეშოს მოწესრიგება: „მხოლოდ სახურავზე გვქონდა ტენდერი გამოცხადებული, შესაბამისად წელს სხვა სამუშაოები არ განიხილება“.

ნინოწმინდის მერმა, ანივარდ მოსოიანმა პრობლემის მოუგვარებლობა რთული კლიმატური პირობებით ახსნა: „სკოლებში წელს წყალი და გამართული საკანალიზაციო სისტემა ვერ მოეწყობა. ამის მიზეზი ნინოწმინდის რთული კლიმატია და დრო გვჭირდება“.

სახალხო დამცველის მიერ, სპეციალური ანგარიშის მიხედვით უწყლობა და ანტისანიტარია სამცხე-ჯავახეთში, განსაკუთრებით კი ახალქალაქსა და ნინოწმინდაში არსებულ სკოლებში გამოვლინდა.

[ავთო ინასარიძე, ნინოწმინდა]