ახალციხის მთავარ საათს მეხი დაეცა

ქალაქის მთავარი საათი შარშან კოსტავას ქუჩის რეაბლიტაციისას აიღეს და დაასაწყობეს. შენახული საათი დაზიანებული იყო, ამიტომ მერიამ ახალი შეიძინა.

ახალი საათი მიმდინარე წლის აპრილში დადგეს. ბოლო ორი თვეა კი გაჩერებულია.

„ძლერი წვიმის დროს მეხი დაეცა საათს და მექანიზმი დააზიანა. მეხმა, ასევე, დააზიანა საცხოვრებელი კორპუსის უკან „ენერგო–პროს“ მაღალგადამცემი ხაზი“, – გვითხრეს ახალციხის მუნიციპალიტეტის მერიის საზოგადოებასთან ურთიერთობის სამსახურში.

ადგილობრივ თვითმმართველობაში აცხადებენ, რომ საათის დაზიანებულ მექანიზმს უახლოეს მომავალში შეცვლიან.

[თორნიკე ზაზაძე, ახალციხე]