შოყა – იმერული სოფელი მესხეთში [ფოტორეპორტაჟი]

სოფელ შოყის ქალების სამი თაობა.



ელენე ხარაიშვილი რვა წლისაა, უნდა გამოვიდეს ექიმი. „ყველა უნდა გადავარჩინო!“ – გვითხრა მან.



პავლე შუბითიძე 86 წლისაა. ათი წლის იყო, საჩხერის მუნიციპალიტეტის სოფელ ჭალვანიდან რომ ჩამოასახლეს. „ბავშვები სახლის თავებზე დავრბოდით, ერთ მეტრის სიმაღლეზე ეყარა მიწა. გადაბალახებული და უკაცრიელი იყო აქაურობა“.



ერთ დროს ვერცხლისფერი და მერე კვამლისგან გაშავებული „სამვედრიანი“ ქვაბი სოფლის ყველა ოჯახშია. ამჯერად ქილებში შავი მოცხარის კომპოტი თუხთუხებს.



შაქარმოყრილი ბალი საკომპოტედაა გამზადებული. ზამთრის დიდი დღეების გადასაგორებლად და, როგორც ადგილობრივებმა მითხრეს, „ხორციანი ზამთრის“ ადვილად გასატარებლად, ნატურალური წვენი ყველაზე კარგი საშუალებაა.



ოჯახის დიასახლისი ვეღარ ითვლის, უკვე მერამდენე ქილა დახუფა.



წვიმა, თოვლისგან გათხელებული და ნახევრად გალეული ხის ღობეები იმერული სოფლის ყველაზე ლამაზი ესკიზია.



[გულო კოხოძე, ადიგენი]