მოქალაქეებსა და სამართალდამცავებს შორის მომხდარი დაპირისპირებისას დაკავებულ პირებს ჯარიმა დაეკისრათ

ახალქალაქის რაიონულ სასამართლოში პროცესი ცხრა ივლისს გაიმართა.

ახალქალაქში, თავისუფლების ქუჩაზე, მოქალაქეები სამართალდამცველებს მას შემდეგ დაუპირისპირდნენ, რაც პოლიციამ მოტოციკლეტის მძღოლის ადმინისტრაციული წესით დაჯარიმება სცადა. მომხდარის შედეგად ორი ადგილობრივი დააკავეს, მოგვიანებით კი ხელწერილით გაათავისუფლეს.

შინაგან საქმეთა სამინისტროს განცხადებით, მძღოლის ადმინისტრაციული წესით დაჯარიმების დროს, რამდენიმე ადგილობრივმა, მძღოლის მხარდაჭერის მიზნით, წინააღმდეგობა გაუწიეს საპატრულო პოლიციის თანამშრომლებს. მათ სამართალდამცველებს ჯერ სიტყვიერი შეურაცხყოფა მიაყენეს, ხოლო შემდეგ ფიზიკური წინააღმდეგობა გაუწიეს.

[გულო კოხოძე, ახალქალაქი]