როგორი ამინდი იქნება 9-11 ივლისს სამცხე-ჯავახეთში

ახალციხის მეტეოროლოგიური სადგურის ინფორმაციით, ცხრა ივლისს სამცხე-ჯავახეთის მუნიციპალიტეტებში, უმეტესად ღამის საათებში, ხანმოკლე წვიმა და ელჭექია მოსალოდნელი. ზოგიერთ დასახლებაში ნალექი დღისითაც შენარჩუნდება. მოსალოდნელია სეტყვა. იქროლებს დასავლეთის ქარი 10-15 მეტრი წამში.

ჰაერის ტემპერატურა ღამით10-15 გრადუსი იქნება, დღისით კი, 24-28 გრადუსი.

მაღალ მთაში, ღამით 8-13 გრადუსი, დღისით 17-22 გრადუსი.

დროგამოშვებით ღრუბლიანობა მოიმატებს 10 ივლისსაც. ღამისა და საღამოს საათებში ზოგან ხანმოკლე წვიმა და სეტყვაა მოსალოდნელი. იქროლებს დასავლეთის ქარი 10-15 მეტრი წამში.

ტემპერატურა: ღამით 10-15 გრადუსი, დღისით 27 – 32. მაღალ მთაში: ღამით 7-12 გრადუსი, დღისით 15-20 გრადუსი.

ღრუბლიანობა შენარჩუნდება 11 ივლისსაც, სამცხე-ჯავახეთის მუნიციპალიტეტებში ხანმოკლე წვიმა, ელჭექი და სეტყვაა მოსალოდნელი. იქროლებს აღმოსავლეთის ქარი 10-15 მეტრი წამში.

ტემპერატურა, ღამით 10-15 გრადუსი, დღისით 28-33 გრადუსი. მაღალ მთაში: ღამით 7- 12 გრადუსი, დღისით 19-24 გრადუსი.

[თაკო ფეიქრიშვილი, ახალციხე]